Berikut ini saya tampilkan karyanya itu.
Hardho Sayoko SPB
LAYANG SAKA SABRANG
sliramu
panguwuhe bocah angon saka gampeng
lan nyawang ijone ledhunge gegodhongan
sing pange ora isin jejogedan
saben angin kumrasak neng papringan
embuh
dlamakan sikilmu or atau gupak endhut
ngetutake lakune kebo sing ora ngresula
ngratakake ler-leran sawah
sawise neng gapura ngipatake panggresah
ditutake wewayangan sing katut jangkah
sliramu kerep takon liwat sms
lan klesak-klesik swara neng tilpun selular
apa neng desa isih ana klenengan
ngiring wong beksa neng sendhang bubar panen
sawise ngedum buceng lan ngamini donga
embuh
aku lan sliramu ora nate gojeg
sawise neng gapura tak kipatake panggresah
nyawang jangkahmu sing biyen
kesandhung-sandhung larikan dina
sing saiki kerep nyigar kasepan
Tidak ada komentar:
Posting Komentar